Negosyante sa Dingle, gintiro patay

Dingle, Iloilo— Gintiro-patay ang lalaki nga naga-negosyo sang pautang sa Barangay Gutao, Dingle pasado las nuebe kagab-i, Disyembre 14.

Ginhingagaw pa dala sa ospital sa Pototan si Zyx Duane Paredes, residente sang amo man nga lugar, pero wala na natabangan bangud sang pilas sa iya ulo.

Lakip sa ginalantaw nga anggulo sang kapulisan ang personal nga hiligut-anon kag robbery matapos nadula ang sling bag sang biktima.

Wala pa mahibaluan kun pila ang unod sang sling bag.

Nagapadayon ang imbestigasyon sang Dingle police sa insidente kag pag-identify sang suspetsado. (AGB)