Duha ka panalgan nga balay sa Molo, nasunog

Iloilo City— Nasunog ang duha ka panalgan nga balay sa Barangay Compania Central, Molo kaina sang aga, Enero 2, 2019, bangud sang short circuit suno sa Bureau of Fire and Protection.

Suno kay SFO1 Edison Gimotea, arson investigator sang BFP-Iloilo City, ginapatihan overloaded ang mga wirings sa ikaduha nga panalgan sang balay rason nagshort circuit.

Wala napilasan ang isahanon nga naga-istar sa balay nga si Rosabella Lazo, 72-anyos.

Naglab-ot naman sa Php 300,000 ang balor sang kahalitan sang sunog. (AGB/ATT)