Tribu Bola-Bola, maga-perform bilang guest tribe sa Dinagyang 2019

Iloilo City — Ginkumpirmar ni Mr. Robert Alor, chairperson sang Tribe Committee sang Iloilo Dinagyang Foundation Incorporated, nga maperform ang Tribu Bola-Bola bilang guest tribe sa Dinagyang Festival 2019.

Suno kay Alor, ang performance sang tribu nagapahibalo sang ila natalana nga pagpasakop sa Dinagyang 2020.

Ang Tribu Bola-Bola ang ginakabig sang kadam-an nga best tribe sa Dinagyang bangud ang amo nga tribu ang may pinakamadamu nga championship awards sa nasambit nga festival.

Sugod sang nagpasakup ang Bola-Bola sa Ati tribes competition, 8 na ini ka beses nga gindeklarar nga kampeon halin 1994, 1996, 1997, 1998, 1999, 2000, 2001, 2004.

Nangin second runner-up sa Dinagyang 2002; Best in Discipline sang 2011 kag Best in Street Dancing sang 2009.

Ang Tribu Bola-Bola amu ang nag-introduce sang paggamit sang mobile risers sa Dinagyang Festival sang 1994.

Magluwas sa Bola-Bola, guest tribe man sa Dinagyang 2019 ang Tribu Miro nga ginabugusan sang mga miembro sang Ati community sa Sitio Nagpana, Barangay Lipata, Barotac Viejo.

Walo ka mga tribu ang mapasakup sa Ati Tribe competition sang Dinagyang 2019 sa Enero 27 nga amu ang,

Ilonganon — Jalandoni National High School
Pan-ay — Fort San Pedro National high School
Panayanon — Iloilo City National High School 
Salognon — Jaro National High School
Paghidaet — LaPaz National High School 
Dagatnon — Ramon Avanceña National High School 
Hugponganon – Anay Tribu Buntatalanit
Barriohanon – Bario Obrero National High School

(JoMaque)