Councilor Joshua Alim, plano magpasar sang ordinansa nga nagahingalan sa bag-o nga grandstand nga ‘Iloilo Freedom Grandstand’ kag indi ‘Dinagyang Grandstand’

ILOILO CITY — Nagaplano si Councilor Joshua Alim nga magpasar sang ordinansa nga nagahingalan sa bag o nga grandstand nga “Iloilo Freedom Grandstand.”

Ini sa pihak sang pagduso ni Mayor Joe Espinosa nga “Dinagyang Grandstand” ang itawag sa bag-o nga imprastraktura.

Suno kay Alim, ang konseho ang may poder nga magpangalan sang mga public places base sa Local Government Code, kag indi ang Local Chief Executive.

Ginpahayag ni Alim nga ginkasugtan na nila sa konseho nga i-demolish ang daan nga Freedom Grandstand sa kondisyon nga ipabilin ang ngalan sini.

Importante suno kay Alim ang Freedom Grandstand sa kasaysayan sang mga Ilonggo. (JoMaque)