P8.4 million nga bike lane sa university loop, nagakapanas na

Iloilo City — Nagalab-ot sa P8.4 million ang bike lane sa university loop ukon ang green nga pinta halin Mabini Street tubtub General Luna, City Proper.

Ang bike lane ang may total length nga ginabanta 1.8 kilometros kag may kalaparon nga 1.2 meters.

Sa record sang DPWH District Engineering Office, nag-epekto ang kontrata sang contractor nga J. Cordon sang Hunyo 15, 2017.

Sa pagpangusisa sang Aksyon Radyo Iloilo, nagakapanas na ang pinta bangud may lifespan lang ini sang ginabanta duha ka tuig.

Ang pinta, pareho lang sa mga pinta sa pedestrian lanes.

Magluwas dire, masami man ginaagyan sang mga salakyan ang bike lane nga exclusive lang kuntani sa mga bisikleta. (JoMaque)