Punong barangay sang Mulangan, Igbaras, nanindugan nga indi miembro sang NPA ang 3 nga nadakpan kasunod sang engkwentro sa tunga sang mga soldado kag ginapatihan miembro sang NPA

Igbaras (UPDATE) — Indi miembro sang New Peoples Army ang tatlo ka pumuluyo sang Barangay Mulangan, Igbaras nga gindakop sang pulis kasunod sang engkwentro sang mga soldado kag ginapatihan miembro sang NPA kahapon sang aga.

Ini suno kay Joselito Echaveria, punong barangay sang Mulangan, Igbaras.

Suno kay Echaveria, biktima sang sitwasyon ang magpamilya nga kanday Roberto Elamparo, kag Ruperto kag Ramon Enar.

Wala sang record sa barangay ang mga nahinambitan suno sa punong barangay.

Nagapati naman si Echavaria nga ginbilin lang sa balay ni Elamparo ang mga karton nga nadiskubrehan may unod nga 9 improvised explosive device.

Una na ginpahayag ni Elamparo nga ginbilin sang nagpakilala nga si ‘Bambi’ ang nasambit nga karton sa iya balay sang Disyembre 2018.

Gindakop ang mag-utod nga Enar kag ang ila pakaisa nga si Elamparo matapos nakuhaan sang IED’s. (JoMaque)