Security Guard sa Iloilo Airport, nagbitay patay

Cabatuan, Iloilo — Nasapwan nga patay ang 46 anyos nga security guard nga nagbitay sa iya boarding house sa Cabatuan pasado alas-5 kahapon sang kaagahon, Marso 20.

Suno kay SPO4 Joebert Amado, deputy chief of police sang Cabatuan Police Station, depression ang ginasundan nga rason sa paghikog ni alyas Jessie nga tumandok sang Cabatuan kag 10 ka tuig na nga nagatrabaho sa Iloilo Airport.

Ginpahayag nga nakahimo sang sala si Jessie sa iya boardmate kag ginbayaan man sang iya nga nobya nga posible iya ginbatyag.

Sa iya ginbilin nga suicide note, nagapangayo sang kapatawaran si Jessie sa iya boardmate kag nagtugon man sa iya ginikanan nga ipasuksok ang iya security guard uniform kon ilubong siya. (AGB)