Masobra 40 ka mga balay, natupok sa sunog sa Bolilao, Mandurriao

Iloilo city — Masobra 40 ka balay ang nasunog sa Bolilao, Mandurriao pasado alas-4 sang hapon.

Sa record sang City Social Welfare and Development Office suno kay Jonah Alegron, 43 ang totally burned kag siyam ang partially damaged nga mga balay samtang ginabanta sa 60 ka pamilya ang apektado.

Gilayon nga naghatag sang food packs ang CSWDO sa mga nasunugan nga temporaryo nga nagatenir sa Bolilao Elementary School kag covered gym sang barangay.

Nagpreparar man sang panyapon si Punong Barangay Arsenio Pedrosa kag ang Red Cross.        

Mapungko pa ang CSWDO upod sa taga-Bureau of Fire Protection kag barangay officials agud ma-finalize ang numero sang mga balay nga nasunog. (JoMaque)