Number 1 most wanted person sa MIMAROPA, nadakpan sa Concepcion

Iloilo City — Nadakpan sa Barangay Tambaliza, Concepcion, ang number 1 most wanted person sa Region 4-B ukon MIMAROPA Region.

Suno kay Senior Supt. Remus Zacharias Canieso, Deputy Regional Director for Operations sang Police Regional Office 6, nadakpan si Arcel Molino, 44, matapos ginserbihan sang warrant of arrest sa kaso nga 63 ka counts sang rape.

Ginpahayag nga ginhimuslan ni Molino ang iya 16 anyos nga himata sa Palawan sang 2010.

Natalana i-turn over sang Regional Intelligence Unit sa korte sa Palawan si Molino. (JoMaque)