2 detachment sang Army sa Calinog, ginpalukpan pusil sang mga ginapatihan NPA members

Calinog, Iloilo — Ginpalukpan sang pusil sang ginapatihan mga miembro sang New People’s Army ang duha ka detachment sang mga soldado sa Calinog subong nga adlaw, Marso 28.

Suno kay Lieutenant Colonel Sisenando Magbalot Jr., commanding officer sang 61st Infantry Battalion sang Philippine Army,nagluntad ang mga insidente sa Barangay Cahigon pasado las syete kaina sang aga kag sa Barangay Agcalaga las dos subong nga hapon.

Hinali lang nagpalupok sang pusil ang mga rebelde nga 700 metros ang kalayuon sa detachment sa Barangay Cahigon suno kay Magbalot.

Ginabanta tubtob 400 metros naman ang ila kalayuon sang ginpalukpan ang detachment sa Barangay Agcalaga.

Gilayon naman nga nagpalagyo ang mga rebelde.

Wala sang may napilasan kasunod sang mga insidente.