MIWD, nagpanawagan sa mga konsumidor nga magpirma sa bag-o nila nga kontrata agud padayon nga maka-avail sang water services
Read Time:1 Minute, 15 Second
Iloilo City — Nagapanawagan ang tagdumalahan sang Metro Iloilo Water District sa tanan nila nga mga konsumidor nga magpirma sang bag-o nga kontrata para padayon nga maka-avail sang water services.
Suno kay MIWD Officer-In-Charge Marjo Castro, magasugod na sa Hunyo 1 ang pag-operate sang Metro Iloilo Water, ang brand name sang Metro Pacific Iloilo Water Incorporated.
Ini ang kasunod sang P12.4-Billion nga Joint Venture Agreement sa tunga sang MIWD kag Metro Pacific Water.
Ang Metro Iloilo Water suno sa opisyal ang bag-o nga korporasyon nga gintukod agud mapa-ayo kag mapasangkad ang water distribution sa syudad kag pila ka mga banwa sa probinsya.
80-20 ang percentage sang ownership sang Metro Iloilo Water, pabor sa Metro Pacific Water.
Ang Metro Iloilo Water na ang mangin bag-o nga water service provider suno kay Castro rason dapat itransfer man sang mga konsumidor ang ila kontrata.
MAY LEGAL NGA BASEHAN?
Sa pihak sang pagpa-athag sang MIWD, nagakahangawa ang pila ka mga konsumidor sa pagpirma sa bag-o nga kontrata.
Suno kay Castro, mahimo nga masaylo ang kontrata sa tunga sang bag-o nga korporasyon kag mga konsumidor base sa Revised Guidelines and Procedures sang National Economic and Development Authority.
Dugang niya, indi na man kinahanglan sang public hearing antes nila iduso ang pagsaylo sang kontrata bangud indi man ini natuhoy sa water rates.
Ang Metro Iloilo Water na ang maga-operate sa water distribution samtang i-monitor naman MIWD ang implementasyon sang JVA. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
One thought on “MIWD, nagpanawagan sa mga konsumidor nga magpirma sa bag-o nila nga kontrata agud padayon nga maka-avail sang water services”
Leave a Reply
You must be logged in to post a comment.
More Stories
P4 million nga balor sang suspected shabu na-recover sa drug buy bust sa Arevalo
ILOILO CITY-- P4 million nga balor sang suspected shabu ang na-recover sa drug buy bust operation sa Brgy. So-oc, Arevalo...
Lalaki nga nasapwan nga naka-duct tape ang kamot kag mata sa Igcondao, San Joaquin, nakilala na
May identity na ang lalaki nga nasapwan nga naka-duct tape ang kamot kag mata sa Brgy. Igcondao, San Joaquin sang...
Pito ka graduates sang WVSU nakasulod sa Top 10 sang 2023 Licensure Examination for Teachers
Pito ka mga Ilonggo ang nakasulod sa top 10 sang Licensure Examination for Teachers subong nga tuig. Duha diri ang...
Maayo man. If you recall, ang Maynilad sang Metro Pacific Water man ang salbar sa water crisis na natabo kay Manila Water. Advance thinking guid anf Metro Pac Water..