Lalaki nga bag-o lang guwa sa presuhan, patay sang gintiro sang riding-in-tandem sa Molo

By: Aine Grace Bravo | August 17, 2019

via Aksyon Farrah Mae Morano

Iloilo City — Patay si Robert Isubal alyas Butlog, 43 sang East Timawa, Molo, sang gintiro sa Bangga Taal sa Timawa Avenue, Molo subong nga hapon.

Gindala pa sa Iloilo Doctor’s Hospital ang biktima, pero gindeklarar nga napatay alas-3:35 sang hapon suno kay PCMS Cesar Salcedo sang Molo Police Station.

Suno kay Salcedo, may igo ang biktima sa tuo nga mata, tuo nga parte sang dughan, tiyan kag abaga.

Nakasakay sa motorsiklo ang gunman suno sa asawa sang biktima.

Ginkumpirmar man sang asawa nga sang Agosto 14 lang nakaguwa sa presuhan si Isubal sa kaso angut sa illegal drugs.

Nagabulig-bulig sa talabahan si Isubal sang gintiro.