Brgy. Kagawad kag tatay, pilason sang ginlabu sang tanod commander sa Badiangan

By: JoMaque | August 26, 2019, 9:10am

Badiangan, Iloilo — Pilason ang barangay kagawad kag amay niya sang ginlabu sang tanod commander sa Indorohan, Badiangan sang weekend.

Ginkilala ang mga biktima kanday Efefanio, 60 kag Barangay Kagawad Raffy Alada, 30 nga pareho residente sang nasambit nga lugar.

Samtang suspek naman si tanod commander Mark Anthony Francisco, 34.

Suno kay Police Lieutenant Ma. Doreen Losaria, hepe sang Badiangan Police Station, naga-inom-inom ang mga biktima kag suspek sang natabu ang insidente.

May pagbinaisay nga natabu bangud sa indi pag-intindihanay tubtob nagpanglabu ang suspek.

Nakaguwa na sa ospital ang mag-amay samtang prisu sa Badiangan Police Station ang suspek.

Wala na sang plano suno kay Losaria nga mag-file sang kaso ang mga biktima.

Todo hinulsol naman ang suspek sa nahimo nga krimen.