Anum ka balay, nasunog sa Molo

By: Aine Grace Bravo | September 4, 2019

via Francis Basco/Farrah Mae Morano

Iloilo City — Apat ka balay ang totally damaged kag duha ang partially damaged sa sunog sa San Antonio, Molo pasado las-dos kaina sang hapon.

Suno kay City Fire Officer Fire Chief Inspector Christopher Regencia, sa ila inisyal nga imbestigasyon nagsugod ang kalayo sa kisame sang balay ni the late Punong Barangay Delfin Lladoc. Naupos gid ang balay nga gina-istaran na sang asawa sang anay punong barangay.

Totally gutted man ang balay nanday Delfin Lladoc Jr nga anak sang anay punong barangay, Tito Lladoc kag Cynthia Canuday.

Partially damaged ang balay nanday Marilou Chavez kag Norma Andrada.

Gina-imbestigaran pa suno kay Regencia kon paano nagsugod ang kalayo kag kon pila ang kahalitan.

        Sa record naman sang City Social Welfare and Development Office, anum ka pamilya ang apektado..//