Mga balay nga natumbahan sang acacia sa Navais, Mandurriao, makabaton sang financial assistance –CSWDO

By: Aine Grace Bravo |September 18, 2019

via Angel Mae Ciudad

Iloilo City — Nakabaton sang relief goods ang apat ka pamilya nga natumbahan sang puno sang acacia ang ila balay sa Sitio Sapa, Barangay Navais, Mandurriao kagab-i, Setyembre 17.

Totally-damaged ang balay ni Warlita Famillaran samtang partially-damaged naman ang balay nanday Noel Regacho, Fate Datar kag Corazon Bernales.

25 ka kilo nga bugas kag mga canned goods ang relief goods nga ginhatag sang City Social Welfare and Development Office (CSWDO).

Suno kay Bennel Silvederio, Social Welfare Officer 1 sang CSWDO, magluwas sa relief goods, magabaton man sang P10,000 ang may totally-damaged nga balay kag tag-P7,000 naman sa partially damaged nga mga balay.