DENR 6, nagpanguna sa pagpaninlo sang coastal areas sa Iloilo City bilang kabahin sang International Coastal Clean-up

By: Aine Grace Bravo | September 21, 2019

via DENR Western Visayas

Iloilo City — Ginpangunahan sang Department of Environment and Natural Resources (DENR) 6 ang pagpaninlo sa mga coastal areas bilang kabahin sang International Coastal Clean-up (ICC) santu sa Presidential Proclamation No. 470.

Ang ICC amo ang pinakadaku nga volunteer efforts para sa pagtinlo sang kadagatan.

Ginahimo ini kada ikatatlo nga Sabado sang Setyembre.

Tema sang subong nga tuig ang “Battle for Litter-Free Seas.”

Sa siyudad sang Iloilo, ginhimo ang clean up sa lima ka kilometros nga coastal stretch halin sa Sto. Niño Sur, Arevalo pakadto sa Calumpang, Molo.

Gintinluan man ang higad sang baybay sa 24 ka coastal barangays sa Iloilo City nga nagalaba sang 16 kilometros.