ICLAJODA, indi mag-upod sa transport strike sa Setyembre 30; pero ICLAJODA President, nag-athag suportado nila ang kawsa sang mga ma-untat biyahe

By: Aine Grace Bravo | September 27, 2019

via Hotline

Iloilo City — Suportado sang Iloilo City Loop Alliance of Jeepney Owners and Drivers Association (ICLAJODA) ang kawsa sang untat biyahe sa Lunes, Setyembre 30.

Pero ginpahayag ni ICLAJODA President Raymundo Parcon nga padayon nga magabiyahe ang ila mga miyembro.

Suno kay Parcon, maapektuhan ang ila palangabuhian kag i-revoke ang accreditation sang cooperative kon mag-upod sila sa strike.

Ginpahayag ni Parcon nga indi man sila gusto sa phase out sang mga daan nga PUJs kag sa modernization program sang gobyerno pero indi sila mag-upod sa strike.

Sa baylo mahimo na lang sila sang petition kag ipadala sa gobyerno agud mapalab-ut ang ila hibubun-ot sa plano.

100% suno sa iya sang ila miyembro ang nagkomiter nga mabiyahe sa Lunes.