DILG validation sa road clearing accomplishments sa Iloilo City, posible matapos sa sulod sang tatlo ka adlaw

By: Aine Grace Bravo | October 1, 2019

via Hotline

Iloilo City — Posible nga magatapos sa sulod sang duha tubtub tatlo ka adlaw ang validation sang taga-Department of Interior and Local Government (DILG) sa road clearing accomplishments sang syudad.

Ini ang ginpahibalo ni Anti-Squatting and Illegal Structures Unit (ASIS-U) Head Lovejoy Hosenilla kasunod ang pagtakop sang deadline nga ginhatag sang DILG base sa direktiba ni Presidente Rodrigo Duterte.

Pero gin-athag ni Hosenilla nga maga-sige sige ang ila road clearing pagkatapos sang deadline base man sa mandu ni Mayor Jerry Treñas.

Nagaplano man suno sa iya ang alkalde nga dugangan ang ila personnel agud madamu nga lugar sa syudad ang ila mahawanan.

Kahapon, Setyembre 30, nagsugod sa pag-validate ang taga-DILG sa road clearing directive upod man ang mga nagabug-os sa clearing team sang syudad.