Mga naga-on road parking sa guwa sang PRO 6 headquarters, gin-isyuhan sang citation ticket

By: Aine Grace Bravo | October 1, 2019

via Hotline

Iloilo City — Gin-aksyonan sang Police Regional Office (PRO) 6 ang mga naga-on road parking sa atubang sang ila headquarters.

Suno kay PRO 6 Spokesman PLTCOL Joem Malong, sugod sang nagligad nga semana, may citation ticket na nga gin-issue ang mga taga-Highway Patrol Group sa mga salakyan nga naga-park sa guwa sang kampo.

Antes pa man suno sa iya ginpatuman ang road clearing, may ginpangkuha na nga salakyan ang HPG personnel kag gin-impound pero liwat naman nga nagbalik.

Ginpahayag ni Malong nga indi na nila pagpalawigon pa ang problema agud indi maakusahan nga wala nagatuman ang PRO 6 sa direktiba ni Presidente Rodrigo Duterte.

Kaina sang aga, liwat nga nag-operate ang mga taga-HPG kag ginpang-isyuhan sang citation ticket ang mga salakyan nga naga-park sa guwa sang Kampo Delgado.