Mga layaw nga ido nga indi ma-claim sang tag-iya, ipa-idalum sa mercy killing sang City Veterinarian’s Office

By: Aine Grace Bravo | November 13, 2019

via Jeremae Ventar

Iloilo City — Ipa-idalum sa euthanasia ukon mercy killing ang mga layaw nga ido kun wala sang may mag-claim nga tag-iya.

Suno kay City Veterinarian Dr. Tomas Forteza, i-custody nila ang madakpan nga mga layaw nga ido kag ipahibalo sa barangay.

Kun wala sang ma-claim, ipa-idalum sa mercy killing ang sapat paagi sa injection.

Nag-umpisa subong nga adlaw ang paglibot sang taga-City Veterinarian’s Office agud mangdakop sang mga layaw nga ido kasunod man sang impormasyon nga nagapangkaykay sang mga tanum ilabe na sa Diversion Road kag Iloilo Esplanade.

Magluwas sa mga tanod, nag-coordinate man si Task Force Beautification Head Ninda Atinado kay Dr. Rebecca Gregorios, ang in-charge sa mga mentally-ill nga i-custody man ang mga may deperensya sa paminsaron agud indi makapanghalit sang mga tanum.