4 pilason sang nabungguan sang SUV ang topdown nga tricycle sa Molo

By: JoMaque | Disyembre 30, 2019, 10:05am

Molo, Iloilo City — Apat pilason sang nabungguan sang SUV ang topdown nga tricycle sa MH del Pilar Street, Molo kagab-i, December 29.

Ginkilala ang mga pilason kanday Fernando Tam, 60; Alyas Nene, anum ka tuig, Emilda Mapola, 53; kag Inocencia Legaspina, 94 anyos, pareho nga taga- Barangay Cochero, Molo.

Suno kay Police Staff Sergeant Ricky Ardamoy, traffic investigator sa Molo Police Station, nag-U turn ang topdown pabalik sa siyudad sang nabungguan sang SUV nga ginamaneho ni Efren Cabarles sang Oton.

Gilayon gindala sa ospital ang mga pilason.

Arestado naman si Cabarles kag natalana pasakaan sang kaso nga reckless imprudence resulting to multiple physical injuries.