Barangay tanod, ginpulihan kastigo sang 8 ka mga lalaki sa Molo

By: JoMaque | Disyembre 30, 2019, 10:09am

Molo, Iloilo City – Nagpalanakit ang lawas sang barangay tanod sang ginpulihan kastigo sang walo ka mga lalaki sa pagpanguna sang mag-utod nga suspek sa North Baluarte, Molo kagab-i, Disyembre 29.

Ginkilala ang biktima kay Mariano Envidia nga residente sang amo nga lugar.

Suno kay Barangay Tanod Leonardo Bolante, nakit-an niya na lang nga ginapulihan kastigo si Envidia rason nga gilayon sila nagpatunga.

Ginatudlo nagkastigo sa biktima ang grupo ni Jomarie Jagolino nga residente sang nasambit nga barangay.

Ginapatihan suno kay Bolante nga nagpangimon si Jagolino sa biktima bangud naga-text siya sa ila iloy may kaangtanan sa 4P’s.

Nagpalagyo si Jagolino kag pito pa niya ka mga kaupdanan.

Gindapatan naman sang pagbulong ang biktima.