LGBT member, nasapwan nga ginlaslas ang liug sa Balasan

By: Aine Grace Bravo | December 31, 2019

via Jeremae Ventar

Balasan, Iloilo — Nasapwan ang bangkay sang miyembro sang LGBT community sa tunga sa talamnan sang Barangay Dolores, Balasan, las 8 subong nga aga.

Sa impormasyon sang Balasan PNP, gin-identify ang biktima kay Joemarie Casumpong, sang San Pedro, Pilar Capiz, kag ginabanta 23-anyos ang edad.
Suno kay Police Staff Sergeant Brian Montaño, ginlaslas ang li-ug ni Casumpong kag may pilas sa wala nga palad.

Halin sa namatyan si Casumpong mga las-otso tubtob las-nueve kagab-i, Disyembre 30, kaupod ang iya barkada nga si alyas Brian antes siya nasapwan.

Padayon nga gina-imbestigaran sang Balasan police ang natabu, pero may person of interest na sila suno kay Montaño.

Suno naman sa amay sang biktima nga si Eduardo, wala siya sang nahibaluan nga kaaway ang iya bata.