Mangingisda, patay sang ginlabu sang kasubong nga mangingisda sa Estancia

By: Aine Grace Bravo | via Jerry Medina

ESTANCIA, Ilo., April 14, 2020 — Wala nakasalbar ang mangingisda nga ginlabu sang kasubong niya nga mangingisda sa Barangay Paon, Estancia kagab-i, April 13.

Gindala pa si Norberto Barrido, 64 anyos, sa ospital pero gindeklarar nga dead-on-arrival bangud sang pilas sa ulo.

Suno kay Police Major Rene Obregon, Jr., hepe sang Estancia Police Station, nagbaisay ang biktima kag suspek nga si Jose Calibre, 52 anyos, may kaangtanan sa ila pagpangisda.

Ginpahayag nga nagkuha si Calibre sang espading kag ginlabu ang biktima sang makapila ka beses.