Mga public kag private cemeteries sa Iloilo City, pasiraduhan sa Oktubre 30-Nobyembre 2, 2020

By: Aine Grace Bravo

ILOILO CITY, September 11, 2020 — Pasiraduhan ni Iloilo City Mayor Jerry Treñas ang tanan nga private kag public cemeteries sa Oktubre 30 tubtob Nobyembre 2 sa tunga sang COVID-19 pandemic.

Ginpaguwa kahapon, Setyembre 10, sang alkalde ang Executive Order Number 144 nga nagamandu sang interim closure sang tanan nga sementeryo, memorial parks kag columbaries, public man ukon private, sa syudad sa gintumod nga fetsa.

Suno sa alkalde, posible pa nga ma-amendaran ang EO, depende sa development sang sitwasyon.

Nagahulat man ang alkalde sang national guidelines may kaangtanan sa mangin protocol sa Fiesta Minatay. | via Firingline