Bata, patay sang ginbuno sang iya amay sa Dumangas

By: JoMaque | Sept. 19, 2020

Iloilo — Patay ang 27-anyos nga lalaki nga si alias Jun sang ginbuno sang iya amay nga si alias Leandro 50-anyos, sang Barangay Pulao, Dumangas, Iloilo las 8:45 kagab-i.

Suno kay Punong Barangay Rustom Solas sang Barangay Maquina, Dumangas, gintagaan sang balay ang suspect sa pabahay, housing project sang banwa nga nahamtang lang sa adjacent barangay kun sa diin natabu ang incidente.

Una nga nag-away ang mag utod nga sanday Jun kag Lester. Sang nag-abot ang ila nga amay gintambagan niya ang duha pero nagbato suno sa kapitan si alyas Jun rasun nga iya ginbuno siya sang ila amay kag naigo sa iya tuo nga kilid.

Gindala pa ang biktima sa ospital pero gindeklarar nga dead on arrival.Nadakpan naman ang tatay nga detained na sa Dumangas police station.