12 establisyemento nga makapila ka beses na nadakpan nga nagaserbe sang makahulubog nga ilimnon, i-rekomendar nga pasiraduhan

By: JoMaque | Nobyembre 12, 2020

Iloilo City — I-rekomendar ni Task Force on Morals and Valules Formation ang pagsirado sa 12 ka mga establisemento sa syudad sang Iloilo nga makapila ka beses nadakpan nga nagaserbe sang makahulubog nga ilimnon.

Ginpahanumdom ni Task Force Head Nestor Canong nga ginadumilian gihapon ang pagserbe sang makahulubog nga ilimnon sa syudad bangud epektibo pa ang Executive Order Number 147 ni Mayor Jerry Treñas may kaangtanan sa amo nga mandu.

Suno kay Canong, makapoy magsaway sa tag-iya sang mga establisemento nga masobra na tatlo ukon apat ka beses nga nadakpan.          

Nagbalibad si Canong nga ibuyagyag ang mga establisemento bangud wala pa sang closure order halin sa Business Permits and Licensing Office.