Iloilo Dinagyang Digital 2021, hiwaton sa Enero 24, 2021

By: JoMaque | Nobyembre 14, 2020

ILOILO CITY – Madayon ang Dinagyang Festival sa masunod nga tuig sa pihak sang COVID-19 pandemic.

Ginpresentar ni Atty. Joebert Peñaflorida, presidente sang Iloilo Festivals Foundation, Inc. (IFFI), ang matabu sa Iloilo Dinagyang Digital 2021.

Tema sang Dinagyang 2021 ang “One Dinagyang, One Iloilo, Halad kay Sr. Sto. Niño.”“360 degree view around the world” ang matabu, suno kay Peñaflorida, sa diin masaksihan ang world class performances sa nagkalain-lain nga social media.

Dugang ni Peñaflorida, ipaguwa sa Enero 24, 2021 ang pre-filmed performance videos.Base sa nahisugtan sang IFFI, natalana sa:

Enero 15, 2021: Virtual Opening Salvo

Enero 23, 2021: Virtual Religous Sadsad

Enero 24, 2021: Virtual Dinagyang Mass nga pagasundan sang pre-filmed performance videos