DOH 6, naka-record sang 19 lang ka bag-o nga COVID-19 cases sa Western Visayas sang Disyembre 21
By: Aine Grace Bravo | December 22, 2020
ILOILO CITY — 19 lang ka bag-o nga kaso sang COVID-19 ang nadugang sa Western Visayas kahapon, Disyembre 21.
Ini na ang pinakamanubo nga kaso nga na-record sa rehiyon sa sulod lang sang isa ka adlaw subong nga Disyembre.
Base sa case bulletin No. 269 sang Department of Health 6, 12 ka bag-o nga kaso halin sa Negros Occidental; apat sa Bacolod City; duha sa Iloilo City; kag isa sa Iloilo province.
Wala sang bag-o nga kaso sa Antique, Aklan, Capiz kag Guimaras.
Gin-report man sang DOH 6 ang 141 ka new recoveries kag wala sang bag-o nga napatay.
Sa subong ang Western Visayas may 21,134 na ka kaso lakip ang 1,044 ka active cases, 19,467 ka total recoveries kag 618 ka total deaths bangud sa COVID-19. | via DOH 6
