30 new cases sang COVID-19, nadugang sa Western Visayas

By: Aine Grace Bravo | February 10, 2021

ILOILO CITY – Nadugangan sang 30 ka bag-o nga kaso sang COVID-19 ang Western Visayas kahapon, Pebrero 9.

Sa bag-o nga kaso, 27 ang local cases ukon wala sang travel history sa guwa sang Rehiyon 6; duha ang Locally Stranded Individuals (LSIs) kag isa ka Authorized Person Outside Residence (APOR).

Sa 30 new cases, tag-walo ang halin sa Aklan kag Iloilo province; pito sa Iloilo City; lima sa Negros Occidental; kag duha sa Bacolod City.

Wala sang bag-o nga kaso sa Antique, Capiz kag Guimaras.

Gin-report man sang DOH 6 ang 65 new recoveries kag wala sang nadugang sa mga napatay.

Bangud sini, ang Western Visayas may 23,705 na ka kaso lakip ang 1,162 ka active cases, 21,833 ka total recoveries kag 704 ka total deaths bangud sa COVID-19. – via DOH 6