Pavia LGU, nagplastar sang mga alternatibo nga ruta sa temporaryo nga pagsirado sang road section lapit sa gina-obra nga Ungka flyover sa Marso 15 tubtob 21

Iloilo City—Nagplastar ang local government unit sang Pavia sang mga alternatibo nga ruta sa pagsirado sang road section lapit sa gina-obra nga fly over.

Suno kay Pavia Mayor Luigi Gorriceta, siraduhan temporaryo ang road section halin sa Ungka II Circumferential Road intersection tubtob sa U-turn slot malapit sa exit sang Christ the King sa Ungka, Jaro sa Marso 15 tubtob 21 bangud sang ibutang nga girder sa flyover.

Gin-athag ni Gorriceta nga ang dalan lang halin sa Christ the King padulong sa intersection sa gina-construct nga flyover ang siraduhan.

Bukas suno kay Gorriceta ang intersection pa-Cory Aquino Avenue (Circumferential road) pero ginapangabay ang mga motorista nga likawan ang paglabay sa area agud indi magpugok ang trapiko.

Sa baylo mahimo maglabay sa mga masunod nga alternate routes:

1. Vehicles/Commuters going to Iloilo City:

– Turn right to Circumferential Road to Brgy. Jibao-an to Mandurriao

– Turn left to Circumferential Road to Brgy. Tacas to Quintin Salas to Jaro Plaza

– Turn left to Circumferential Road to Brgy. Tacas to Buhang to Jaro Plaza- Pavia ( Pagsanga-an ) to Brgy. Tacas to Quintin Salas to Jaro Plaza- Pavia ( Aganan ) to Jibao-an ( Bangga Singko ) to Mandurriao

2. Vehicles/Commuters from Iloilo City going to Pavia/Sta. Barbara:

– Jaro to Quintin Salas to Brgy. Tacas to Pagsangaan ( Pavia Road )

– Jaro to Quintin Salas to Brgy. Tacas to Circumferential Road to City Mall ( Pavia ) to Pavia Road- Jaro to Mandurriao to Jibao-an to Circumferential Road to Ungka II to Pavia Road

24/7 suno kay Gorriceta ang pag-obra sa flyover.

Nagalaum si Gorriceta nga malab-ut ang target nga matapos ang pag-obra sa flyover sa last quarter sang 2021.