7am-5pm lang ang closure sa road section sang gina-obra nga Ungka flyover sa March 15-21, 2021 — Project Manager, Engr. Ormel Santos

ILOILO CITY – Indi 24/7 ang pagbutang sang DPWH sang mga girders sa gina-obra nga Ungka Flyover.

Pa-athag ni Engr. Ormel Santos, project manager, halin lang las-siete sa aga tubtob las-singko sa hapon ang closure sa road section nga butangan sang mga girders sa Marso 15 tubtob 21, 2021. 32 ka girders ang ibutang sa sulod sang isa ka semana.

Kun maayo ang output sa una nga adlaw, ginpahayag ni Santos nga i-adjust nila ang closure kag himuon nga halin las-otso sa aga tubtob las-singko sa hapon.

Ginpahibalo naman ni Santos nga una nga closure pa lang ang himuon sa masunod nga semana.

May lima pa ka closures, suno sa iya, tubtob nga makumpleto ang pagbutang sang masobra 160 ka girders sa flyover. –via Aksyon Hotline