20 BPO employees, nagpositibo sa COVID-19 lakip ang 16 nga taga-Iloilo City
ILOILO CITY – 20 ka mga BPO employees ang nagpositibo sa COVID-19, base sa resulta nga nagguwa kahapon, Abril 1.
Base sa Facebook post ni Iloilo City Mayor Jerry Treñas, 16 sa 20 ang taga-siyudad sang Iloilo samtang apat ang taga-probinsiya sang Iloilo.
Base naman sa data sang Iloilo City COVID-19 Emergency Operations Center sa 16 ka BPO employees nga taga-siyudad, duha halin sa Molo; 9 sa Jaro; apat sa Mandurriao; kag isa sa La Paz.
Nagpamalibad ang COVID-19 team nga pangalanan ang BPO.
Nagpahayag man ang alkalde nga wala pa siya nakahibalo kun ano nga BPO bangud wala pa na-report sa iya.– via Jerry Treñas FB Page/ Iloilo City COVID-19 Emergency Operations Center
