Amay ni Cadet 1CL Janrey Artus, wala nagdumdom nga masulod sa military kag mangin valedictorian sa PMA ang iya nga bata

Wala nagdumdum ang amay nga si Florencio nga masulod sa military ang iya bata nga si Janrey Cabanero Artus sang San Enrique Negros Occidental nga mangin valedictorian sang Masaligan class 2021 sang Philippine Military Academy (PMA).

Suno sa amay handum ni Janrey nga mangin engineer pero naganyat siya sang iya magulang nga miembro sang Philippine Army nga magsulod sa PMA. Ginhambalan sang magulang si Janrey nga sa navy masulod bangud mabudlay ang sitwasyon sa Philippine Army.

Indi na magtambong sa graduation ni Janrey ang iya ginikanan bangud sang pandemya.

Ang amay ni Janrey ang retired nga miembro sang Philippine Army kag retired teacher naman ang iya nga iloy.

Si Janrey ang naka-agi man eskwela sa UP Visayas sa kurso nga BS Chemical Engineering. – via PM Reports