Motorcycle group sa Iloilo City, may apat ka mga suhestyun para sa gina-propose nga Clean Rider’s Stickers sang ICPO

Iloilo City — May apat ka mga suhestyun ang motorcycle group sa siyudad nga nagtambong sa ikaduha nga hearing nga ginpatawag sang Committee on Police Matters and Public Safety may kaangtanan sa gina-propose nga clean rider’s sticker sang Iloilo City Police Office.

Suno sa committee chairman nga si Councilor Carlos “Jojo” Javellana, lakip sa mga suhestyun ang police visibility, mobile patrol, pag-activate sang quarantine checkpoints kag mag-install sang high definition nga CCTV cameras.

Kinahanglan man nga iplastar kay Mayor Jerry Treñas ang gina-suggest nga butangan sang checkpoints ang pito ka distrito sang siyudad bangud city government sini ang magasto.

Lakip na suno sa iya ang pagpahimo sang sticker nga itapik sa helmet sang mga naga-motorsiklo.

Mapatawag sang ikatatlo nga hearing si Javellana kag imbitaron ang mga ABC presidents sa pito ka distrito agud pangayuan man sang mga suhestyun.

Gintalana ang ikatatlo nga committee hearing sa Lunes, Mayo 17.