Passi City Mayor Jesry Palmares, gin-appoint nga provincial chairman sang Lakas CMD sa Panay

Iloilo — Ginkumpirmar ni Passi City Vice Mayor Jesry Palmares nga gin-appoint siya nga provincial chairman sang Lakas Christian-Muslim Democrats (CMD) sa isla sang Panay.

Suno sa bise alkalde, ginhingyo siya sang partido nga mangin representative sini sa Iloilo City kag Iloilo province subong man makabulig sa pag-facilitate sa Panay.

Sang nagligad nga semana, nag-Zoom meeting siya upod sa mga miembro sang partido kag ginpasumpa siya ni Leyte Representative Martin Romualdez bilang provincial chairman.Lakip sa mga nagtambong sa Zoom meeting suno sa iya ang mga kongresista kag gobernador nga active members sang partido.

Ginpahayag ni Palmares nga sang nagligad man nga semana nagsugod ang organization sang partido nga gintukod ni former President Fidel Ramos.

Miembro man sang partido si former President kag subong Pampanga Representative Gloria Macapagal-Arroyo.

Wala nadula suno kay Palmares ang Lakas CMD party kundi nangin inactive lang kag sa pagkamatuod nagasapol pa ang mga miembro sang partido kag nagasuporta sa desisyon ni Presidente Rodrigo Duterte. — via AM Reports