Pagserbe sang makahulubog nga ilimnon sa mga fully vaccinated sa probinsiya sang iloilo, ginapahanugutan na

Iloilo–Ginapahanugutan naman ang pagserbe sang makahulubog nga ilimnon sa probinsya sa mga fully vaccinated individuals.

Suno kay Governor Arthur Defensor Jr., wala na sang liquor ban sa probinsya apang may yara gihapon sang mga pagsulundan.

Pero indi puwede gihapon nga mag-inom sa public places pareho sang plaza ukon sa higad sang karsada.

Samtang, ginapasugtan suno sa gobernador ang pagserbe sa mga restaurants sa kondisyon nga sundon ang 50% indoor venue capacity kag ang pag-cater lang sa mga fully vaccinated customers. — via Balita Halin sa Kapitolyo