Calinog, gin-classify nga ‘Red Election Hotspot’ sa 2022 elections — IPPO

ILOILO — Gin-classify nga “red election hotspot” ang Calinog sa 2022 Election sang IPPO.Suno kay spokesperson Pcpl Erwin Magarzo, bangud sa mga insidente nga na-record nga related sa election sang nagligad nga election period kag sa presensya sang NPA rason nga ginpa-idalum sa “red election hotspot” ang Calinog.

Magluwas sa Calinog, ginpaidalum man sa “Orange Category” ang mga banwa sang Lambunao, Maasin, San Joaquin,San Dionisio, Alimodian, Janiuay, Tubungan, Igbaras, Miagao, kag Leon bangud sa presensya sang NPA.

Apang, gin-athag ini ni Magarzo nga posible magbag-o pa ang listahan kag mga classification sang mga banwa samtang nagapalapit ang election bangud nakadepende man ini sa sitwasyon nga nagakatabo sa isa ka lugar.

Ginklaro man ni IPPO Director Adrian Acollador, nga wala pa man sang mga bag-o nga pagsulundan sa mga banwa nga ginpaidalum sa “orange kag red category.” — via Aksyon Angel Mae Ciudad