Bayan Panay Secretary General Elmer Forro, ginserbihan sang warrant of arrest sa kaso nga murder kag attempted murder
Ginserbihan sang warrant of arrest si Bayan Panay Secretary General Elmer Forro sa iya balay sa Barangay Lutac, Cabatuan kahapon, Marso 29.
Gin-aresto si Forro bangud sa kaso murder kag attempted murder.Ang duha ka kaso nag-ugat sa engkwentro sang military kag NPA members sa Barangay Panuran, Lambunao sang Abril 2020 sa diin isa ka suldado ang napatay.
Wala sang piyansa ang kaso nga murder samtang P120,000 sa kaso nga attempted murder.
Ginkondenar sang Bayan Panay kag Paghugpong sang mga Mangunguma sa Panay kag Guimaras (PAMANGGAS) ang pag-aresto kay Forro.
