Iloy nga 16-anyos nga solterito nga nagpatay sa iya amay sa Calinog, desidido nga magpasaka sang kaso

ILOILO — Desidido nga magpasaka sang kaso ang iloy sa iya 16-anyos nga bata nga nagpatay sa iya amay sa Barangay Badlan Pequeño, Calinog, Iloilo.

Suno kay Major Dadjie Delima, hepe sang Calinog Municipal Police Station, nagkadto sa ila station ang iloy kag nagpabutyag nga mapasaka sila sang kaso.

Kaso nga parricide ang ipasaka sa 16-anyos nga suspek, suno kay Delima.

Lunsay sa ulo kag nawong ang mga pilas ni Leo nga amay sang suspect.

Base sa statement nga ginhatag sang suspect sa police, ginsipa siya sang iya amay sang nagpangita ini sang lighter.

Gin-turn over sang Calinog police ang 16-anyos nga suspect sa MSWDO. — with reports from Angel Mae Ciudad