Probinsya sang Iloilo, ginpaidalum sa state of calamity bangud sa kahalitan sang bagyo Agaton

ILOILO – Gin-aprubahan sang Sangguniang Panlalawigan ang pagpaidalom sa probinsiya sang Iloilo sa state of calamity bangud sa kahalitan sang bagyo Agaton.

Una nga gin-rekomendar sang Provincial Disaster Risk Reduction and Management Council kag ni Iloilo Governor Arthur Defensor, Jr., ang pagpaidalom sa probinsiya sa state of calamity kag unanimously approved ini sang mga miyembro sang Sangguniang Panlalawigan.

Samtang may yara naman sang P65,907,500 nga total budget nga pagagamiton sang Provincial Government para sa post disaster response sa 20 ka mga kabanwahanan nga nahalitan sang Bagyo Agaton.