MORE Power Iloilo, mapataas sang electricity rate sa mid-April tubtob mid-May billing

ILOILO CITY – Magataas ang electricity rate sang MORE Power Iloilo para sa mid-April tubtob mid-May nga billing.

Ginpahibalo ini ni MORE Power President and CEO Roel Castro. Pero gin-athag niya nga minimal lang ang increase..//

“We wanted to announce that there will be increase. However, the increase is very minimal. Last month, our total electricity rate was P6.82 per kilowatt hour for residential. It will increase to P7.23 per kilowatt hour,” suno kay Castro.

Ginrason ni Castro ang pagtaas man sang ila generation charge nga ila ginpatong sa mga konsumedor. Suno kay Castro, nagapabilin ang distribution charge nga P1.77 per kilowatt hour.

Ginpa-athag ni Castro nga apektado ang electricity market sa pagtaas sang presyo sang coal kag oil. Nagalab-ut na suno sa iya sa 114% ang increase sang coal sa world market, samtang 61% sa langis subong nga tuig.

Kun basehan suno kay Castro ang predictions sang Department of Energy kag iban pa nga government agencies, wala pa sang makahambal kun ano ka lawig ang amo nga phenomenon.

Suno pa kay Castro, isa lang sa mga naga-apekto sa pagtaas sang presyo sang langis ang nagapadayon nga away sang Russia kag Ukraine. Pero bisan diin pa nagakuha sang supply, mahal gid ang presyo sang gatong subong nga tuig, suno kay Castro. –via Aksyon Hotline