Northern Iloilo Polytechnic State College (NIPSC), State University na

ILOILO — Halin sa Northern Iloilo Polytechnic State College (NIPSC), pagatawgon na ini nga Northern Iloilo State University (NISU).S

iyam ka tuig ang nagligad sang ginsuguran ang pagduso sang pagtukod sang state university sa Northern Iloilo.

2013 sang nakapasar ang RA 10597 nga nagahimo sang Northern Iloilo State University kag pagtingub sang nagkalain-lain nga polytechnic state colleges sa Estancia, Batad, Ajuy, Sara, Concepcion, Lemery and Barotac Viejo.

Sang 2018 gin-amend ang nasambit nga laye paagi sa RA 11005. Bangud sini, nagtinguha ang academic community sang NIPSC agud ma-comply ang kinahanglanon nga mga dokumento sang Commission on Higher Education (CHED).

Sang Pebrero 10 natapos ang remote validation, sa diin ang CHED Composite Team (CCT) kaupod ang taga-Office of Institutional Quality Assurance and Governance (OIQAG) nag-anunsyar nga compliant ang NIPSC kadungan sang exit conference via Zoom.

Kahapon, Abril 26, gin-confer sang CHED ang University Status sa NIPSC paagi sa ginpaguwa nga En Banc Resolution. “A new chapter begins today…It’s official NIPSC is now Northern Iloilo State University,” base naman sa Facebook post sang NIPSC PIO.