Awto, nahulog sa pil-as sa Brgy. Sablogon, Passi City; 4 ka sakay, pilason
ILOILO — Pilason ang apat ka sakay sang Toyota Vios sang nahulog sa pil-as sa Brgy. Sablogon, Passi City las 10:30 sang aga.
Base sa inisyal nga impormasyon, duha ka lalaki kag duha ka babaye ang sakay sang awto. Halin sa Roxas City ang salakyan sang na-aksidente.
Suno sa mga nakakita nga residente, padulong sa Iloilo City ang salakyan sang gulpi lang naglupok ang unahan nga goma, nakabunggo sa poste nga semento, nagbalang-balang kag nagtupa sa ginabanta 10 ka metros nga kataason sang pil-as.
Lunsay pilason ang mga biktima nga madasig gindala sa Don Valerio Palmares District Hospital. Wala man napuruhan ang driver sang awto bangud sang air bag.
Nagbalibad na nga maghatag sang ila identity ang mga biktima.
