22 ka balay, nasunog sa Rizal, La Paz

ILOILO CITY — 22 ka balay ang nasunog sa Rizal, La Paz kaina ang kaagahon.

Gin-ako ni Michael Francisco nga sa ila balay naghalin ang kalayo,

Suno kay Francisco, nagaluto ang iya asawa sang pinirito nga isda sang nag-ibwal ang kalayo kag naglapta sa ila dingding. Gintakpan pa niya sang basa nga tela ang kalan apang wala napatay ang kalayo.

Madasig ang paglapta sang kalayo bangud human sa light materials ang ila balay.

Tatlo ka bata kag iya asawa ang upod ni Michael sa ila balay kag lunsay nakaluwas naman.

Wala gid sang nasalbar nga kagamitan ang pamilya.