P55 nga saka sa daily minimum wage sang mga trabahador sa Western Visayas, maga-epekto subong, Hunyo 5
Maga-epekto sa Hunyo 5, ang P55.00 nga saka sa daily minimum wage sang mga trabahador sa Western Visayas.
Base sa Wage Order No. RBVI-26 sang Regional Tripartite Wages and Productivity Board 6, mahimo na nga P450 ang daily minimum wage sa non-agriculture / industrial / commercial nga may masobra 10 ka empleyado.
Sa non-agriculture / industrial / commercial nga may 10 panubo nga empleyado, P420 ang bag-o nga minimum wage.
Samtang ang agriculture workers, P410 na ang daily minimum wage.
Una na nga nag-apelar ang Iloilo Business Club nga i-suspend ang bag-o nga wage order bangud madamo nga magagmay nga negosyo ang apektado sang pandemya kag indi pa sila makasarang sa paghatag sang bag-o nga daily minimum wage.
Pero gin-athag ni Mr. Wennie Sancho, labor sector representative sa RTWPB 6, nga madayon gid ang pagpatuman sang bag-o nga minimum wage bisan nag-apelar ang IBC sa National Wages Productivity Commission.
