1 pilason sang narumpag ang gina-construct nga porsyon sang merkado sa Pototan

ILOILO — Na-ospital ang 59-anyos nga driver sang tricycle sang nahulugan sang mga debris sang narumpag ang gina-construct nga porsyon sang Pototan Old Market pasado las 6:00 kagab-i, Setyembre 19.

Ginkilala ang biktima kay Jose Patriarca sang Barangay Capul-an, Mina.

Suno kay Police Staff Sergeant Gary Peronilla, napilasan sa ulo si Patriarca rason nga gindala sa ospital pero gilayon man nakaguwa.

Naga-drive sang iya tricycle ang biktima kag naglabay sa lugar sang nahulugan sang mga debris.