Tubig sa bubon sa Tigbauan positibo sa coliform

TIGBAUAN, Iloilo – Positibo ang resulta sang water Bacteriological Test sa bubon nga ginakuhaan kag gina-imnan sang tubig sang mga residente sa Sitio Lino Flores, Brgy. Baguingin Tigbauan.

Suno kay Baguingin Punong Barangay Nixon Torrato, nagpositibo sa fecal coliform ang tubig sa bubon nga ginagamit sang masobra 10 ka mga pamilya.

Gilayon naman nga ginpasiraduhan sang Provincial Health Office (PHO) kag Municipal Health Office ang bubon agud nga ipaidalum sa chlorination.

Nagahatag naman sang ‘mineral’ water ang barangay bilang bulig sa mga apektado sang acute gastroenteritis.

Una na gin-report sang PHO nga na-record ang pinakamadamo nga kaso sang nasambit nga balatian sa Baguingin, Tigbauan. – via Cedrick Anona