Porsyon sang talamnan sa C1 road, Pakiad, Oton ginahimo nga ula-an sang pila ka siphoning services

ILOILO — Ginahimo nga ula-an sang pila ka mga siphoning services ang porsyon sang talamnan sa C1 Road, Pakiad, Oton.

Suno kay Menchie Paniergo, head sang Municipal Environment and Natural Resources Office (MENRO) sang Oton, ikaduha ka beses na nga natabo nga gin-ulaan sang higku ang lugar.

Base sa ila pagpangusisa, masobra 10 ka van nga higku halin sa poso negro ang gin-ula sang siphoning services sa porsyon sang C1 road.

Sa impormasyon nga nakuha ni Paniergo, masami itom nga closed van ang naga-ula sang higko.

Na-identify na sang MENRO ang mga siphoning services nga masami naga-ula sang higko sang tawo sa lugar pero nagpamalibad pa sila nga hingadlan.

Dugang ni Paniergo, kalabanan sa mga siphoning services ang wala sang permit.