2 ka babaye nga nagpuli guramos kag yudyod sa dalagita sa Calinog, napasakaan na sang kaso
ILOILO – Napasakaan na sang kaso ang duha ka babaye nga nagpuli gan-it, guramos, kag nagyudyod sa 16-anyos nga dalagita sa plaza sang Calinog kahapon.
Suno kay Police Staff Sergeant Mae Cerbas sang Women and Children’s Protection Desk (WCPD) sang Calinog Police Station, paglapas sa Republic Act 7610 ukon Special Protection Against Child Abuse, Exploitation and Discrimination ang ginpasaka sa duha ka babaye nga pareho naga-edad sang 21-anyos.
Base sa imbestigasyon sang Calinog police nga away sa lalaki ang rason sa pagpuli sang mga suspetsado sa dalagita.
Una na nga ginpahayag ni Cerbas nga may away sa chat sa social media ang tatlo tubtob nagtabu-ay ang ila banas sa Calinog kag natabo ang insidente.
Taga-Lambunao ang dalagita samtang residente sang Calinog ang mga suspetsado. Gin-custody sang Calinog police ang duha. — via Aksyon Sav Pamplona
